ఆంధ్రభారతి - తాళ్లపాక అన్నమాచార్య కీర్తనలు - ఏ పాటి తన కర్మ మాపాటి కాపాటె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 278-6
సంపుటము: 3-452

తాళ్లపాక అన్నమాచార్య

రాగము: గుండక్రియ

ఏ పాటి తన కర్మ మాపాటి కాపాటె శ్రీపతిదాసుఁ డయితే చిహ్న లిటువలెఁ బో	॥పల్లవి॥
అందరిని నిర్మలులే యని తలఁచిన తన- నింద లేని మనసే నిర్మలము మందలించి లోకులతో మంచి మాఁట లాడితేను బందెలేని తన నోరే భావించ మంచిది	॥ఏపా॥
అంతటాను హరి యున్నాఁడని చూచినఁ దన- యంతరంగమున నుండు నీ దేవుఁడే చింతించి యీ జగము చేకొని పావనమంటే పంతపు తన దేహముఁ బరమపావనమే	॥ఏపా॥
పుట్టితేఁ దన పాలికిఁ బుట్టే నీ ప్రపంచము దట్టమైన పుట్టెల్లఁ దనతోడిదే యిట్టే శ్రీవేంకటేశుఁ డిచ్చినాఁడీ గుణము పట్టమై నావద్దనుండు పరమవిజ్ఞానము	॥ఏపా॥