ఆంధ్రభారతి - తాళ్లపాక అన్నమాచార్య కీర్తనలు - బలువుఁడు నాతఁడే బంధువుఁడు నాతఁడే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 279-1
సంపుటము: 3-453

తాళ్లపాక అన్నమాచార్య

రాగము: రామక్రియ

బలువుఁడు నాతఁడే బంధువుఁడు నాతఁడే తలఁ చాతనికి మొక్కఁ దగులింతే నేము	॥పల్లవి॥
దైవమే భారకుఁడు ధరణి రక్షించుటకు భావింప నరులచేఁత పనిలేదు శ్రీవల్లభుఁ డతఁడు నేసినట్టల్లా నవును వావాత ననుభవించేవారమింతే నేము	॥బలు॥
హరియే స్వతంత్రుఁడు అన్నిపనులుగాఁ జేయ పరుల వుద్యోగాలు పనిలేవు సురనాథుఁ డాతఁడు చూచినట్టల్లా నవును వరుసతోఁ దిరిగాడేవారమింతే నేము	॥బలు॥
సకలేశుఁడే కర్త జగములు గాచుటకు ప్రకటించ నేర్పులు పనిలేవు వొకట శ్రీవేంకటేశుఁ డొనరించినట్లవును సుకియించి పొగడేటి సుద్దులింతే నేము	॥బలు॥