ఆంధ్రభారతి - తాళ్లపాక అన్నమాచార్య కీర్తనలు - వొద్దిక నోపము వట్టి స్వతంత్రము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 279-2
సంపుటము: 3-454

తాళ్లపాక అన్నమాచార్య

రాగము: భవుళి

వొద్దిక నోపము వట్టి స్వతంత్రము వొద్దిక శాంతితో నుండేమయ్యా	॥పల్లవి॥
నడవక మానవు నానాజగములు కడఁగిన హరిసంకల్పానను వుడుగ కిందు నా వుద్యోగమేఁటిది నడుమనే కనుఁగొని నవ్వేమయ్యా	॥వద్ది॥
కలుగక మానదు కాఁగల భోగము కలిమిఁ బురాకృత కర్మమిది అలసి యిందు నా యాస లేమిటికి కలిగిన పాటే కానీవయ్యా	॥వద్ది॥
తగులక మానదు తన సంసారము వెగటగు మాయావిలాసము అగపడి శ్రీవేంకటాధిపు కృపచే తగిన పాటినే తనిసేమయ్యా	॥వద్ది॥