ఆంధ్రభారతి - తాళ్లపాక అన్నమాచార్య కీర్తనలు - సరికి బేసికి మీరె జాణలైతిరి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1995-6
సంపుటము: 29-510

తాళ్లపాక అన్నమాచార్య

రాగము: గౌళ

సరికి బేసికి మీరె జాణలైతిరి తిరమాయ వలపులు దిష్టముగా నిపుడు	॥పల్లవి॥
కలువల నాకె వేసె కాలు దొక్కితివి నీవు యెలమి సాకిరులు నేమేము చెప్పేము కలికి గుట్టు తోడిది గద్దరికాఁడవు నీవు వలసినట్టు సేసితే వద్దనేవా రెవ్వరు	॥సరి॥
కొద్ది మీరి నవ్వె నాపె కొంగువట్టితివి నీవు యిద్దరికి దగవు నే మెట్టు చెప్పేము పెద్దరికపు సకియ ప్రియమువాఁడవు నీవు తిద్దుకొని మీకు మీకే తేరుదురుగాక	॥సరి॥
గక్కనఁ గొసరె నాపె కాఁగిలించితివి నీవు యెక్కువ తక్కువలు నే మేమి చెప్పేము యిక్కడ నీ దేవులని యేలితివి శ్రీవేంకటేశ చక్కనాయఁ బనులెల్లా సాదించ నేమిటికి	॥సరి॥