ఆంధ్రభారతి - తాళ్లపాక అన్నమాచార్య కీర్తనలు - గరిమల నెరఁగరుఁ గాక మానవులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 279-4
సంపుటము: 3-456

తాళ్లపాక అన్నమాచార్య

రాగము: సామంతం

గరిమల నెరఁగరుఁ గాక మానవులు సిరులఁ దియ్యని నోరఁ జేఁదు మేసేదా	॥పల్లవి॥
హరినారాయణ యనియెడి నోరను ధర నితరుల పేళ్లు దడవుటెట్టు సరవితో వేదములు చదివేటి నోరను పరులమీఁది పదాలు పాడేదా	॥గరి॥
మునుప శ్రీపతికి మ్రొక్కిన చేతుల అనరుహులకు దండమనుట యెట్టు మునుకొని పూవులు ముడిచిన సిరసున కనలి కట్టెలు మోచి కాకయ్యేదా	॥గరి॥
బలిమి శ్రీవేంకటపతిఁ గొలిచినవారు తెలియ కల్పులఁ గొల్పి తిరుగుటెట్లు జలధి దాఁటేవాఁడు సరి నోడ వుండఁగ వలవని జోలితో వదరు వట్టేదా	॥గరి॥