ఆంధ్రభారతి - తాళ్లపాక అన్నమాచార్య కీర్తనలు - అంతర్యామీ వో అంతర్యామీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 279-6
సంపుటము: 3-458

తాళ్లపాక అన్నమాచార్య

రాగము: లలిత

అంతర్యామీ వో అంతర్యామీ బంతి నాకేమి గల్లా నా పాలివాఁడవు గావా	॥పల్లవి॥
దొంతులై అన్ని యోనులాఁ దొల్లి నేఁ బుట్టేటినాఁడే అంతరాత్మవైనవాఁడ వటు నీవేకా ఇంతట విడిచేవా నన్నింద్రియాలఁ గట్టివేసి పొంతఁ జూచేవిటు నాకుఁ బొత్తులకాఁపవుగా	॥అంత॥
తొడరి స్వర్గనరక దుఃఖసుఖములనాఁడు అడరి కర్మసాక్షివటు నీవేకా విడువ వెప్పుడు నన్ను విషయాలఁ జిక్కినాఁడ కడ నూరకుండనేల కన్నవాఁడవు గావా	॥అంత॥
నీ చేతఁగానిది లేదు నీవు నాకుఁ బ్రాణమవు కాచుటకు నీకంటే నొక్కరు వచ్చేరా చేచేత శ్రీవేంకటేశ చేరి నీకు శరణంటి యేచి నన్ను మన్నించితివిది నీ తేజముగాదా	॥అంత॥