ఆంధ్రభారతి - తాళ్లపాక అన్నమాచార్య కీర్తనలు - తీరుచు నతఁడే దినకర్మంబది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 280-1
సంపుటము: 3-459

తాళ్లపాక అన్నమాచార్య

రాగము: సాళంగనాట

తీరుచు నతఁడే దినకర్మంబది నూరిటి రుణ మొక నూలిపోఁగునా	॥పల్లవి॥
తొల్లిటి కర్మము దోడఁ గుడుచుటకె తెల్లమి జీవుఁడు దేహము మోచుట వొల్లనన్నఁ బోదున్నంత గాలము మల్లాడి హరినే మఱవఁగ వలదు	॥తీరు॥
కోరిన కోర్కికి గురియగు నందుకె సారపు సంసారసంగమిది నేరిచి బ్రదికేటి నెపమునఁ బోదది కూరిమి హరినే కొలువఁగవలయు	॥తీరు॥
తెంచని యాసలఁ దిప్పుటకే పో పంచేంద్రియముల పంతమిది చించినఁ బోదిది శ్రీవేంకటపతి నించి మనసులో నించగవలయు	॥తీరు॥