ఆంధ్రభారతి - తాళ్లపాక అన్నమాచార్య కీర్తనలు - ఉవిద చూడవే యీతఁ డొక టొకటె గడించి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 2001-2
సంపుటము: 29-542

తాళ్లపాక అన్నమాచార్య

రాగము: గౌళ

ఉవిద చూడవే యీతఁ డొక టొకటె గడించి కవ గూడీ నేఁ దనకు కామించిన దానను	॥పల్లవి॥
మొగము చూచితిఁగాక మొనసి జంకించితినా నగితిఁగాక గోరు నాఁటించితినా తగులనాడితిగాక తను నే దూరితినా యెగసక్కేలంటా నేల యెగ్గులు వట్టీనే	॥ఉవి॥
తలవంచుకొంటిఁగాక తనతో గర్వించితినా అలసి కూచుంటిఁగాక అలిగితినా సొలసి మొక్కితిఁగాక సోఁకఁబెనఁగితినా చలమరినంటానేల సాదించీనే	॥ఉవి॥
తెరవేసుకొంటిఁగాక తేరి యెలఇంచితినా అరసి మోవిచ్చితిగా కౌఁ గాదంటినా యిరవై శ్రీవేంకటేశుఁ డింతలోనె నన్ను నేలె యెరపు లేదంటా నెంత ఇమ్ముఁ గొనీనే	॥ఉవి॥