ఆంధ్రభారతి - తాళ్లపాక అన్నమాచార్య కీర్తనలు - మొగచాటు సేయకురే ముదితలాల పతికి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 2001-3
సంపుటము: 29-543

తాళ్లపాక అన్నమాచార్య

రాగము: దేసాళం

మొగచాటు సేయకురే ముదితలాల పతికి తగవెంచి చూచుకొని తానే వచ్చీఁగాని	॥పల్లవి॥
విడువక మూఁకొంటే విరుదా బసురువేసు తడవుగా వీడెమైతే తాలిక గట్టు వుడుగక మాఁటాడితే వూఁకొన వేసటవును తడవకురే పతిని తానే వచ్చీఁగాని	॥మొగ॥
పలుమారుఁ గొసరితే పచ్చిదేరు వలపులు తలపట్టి మొక్కఁ బోతే చండిపడును కెలసి సారె నవ్వితే కేరడములై తోఁచు తలఁపించు దూరకురే తానే వచ్చీఁగాని	॥మొగ॥
చెక్కు నొక్కి వేఁడుకొంటే చెమటలే చేయి నిండు వెక్కసానఁ బెనఁగితే వీడుఁ దురుము యిక్కడ శ్రీవేంకటేశుఁ డింతలోనె నన్నుఁ గూడె తక్కించకురే దినమూ తానే వచ్చీఁగానీ	॥మొగ॥