ఆంధ్రభారతి - తాళ్లపాక అన్నమాచార్య కీర్తనలు - వట్టి జంపు లిఁక మాతో వద్దు వద్దయ్యా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 2001-5
సంపుటము: 29-545

తాళ్లపాక అన్నమాచార్య

రాగము: శుద్ధవసంతం

వట్టి జంపు లిఁక మాతో వద్దు వద్దయ్యా చుట్టరికా లిద్దరివీఁ జూచుకోవయ్యా	॥పల్లవి॥
పంతమాడవచ్చుఁగాని పాయరాదు సతులను రంతులేల మా యింటికి రావయ్యా చెంతనుండి కొంతవడికి సిగ్గువడవచ్చుఁగాని మంతుకెక్కిన వలపు మఱవరాదయ్యా	॥వట్టి॥
తేలఁజూచి యాఁడువారిఁ దిట్టు దిట్టవచ్చుఁగాని లోలో తమకము నిలుపరాదయ్యా పాలుపడి రాజసము పచరించవచ్చుఁగాని వోలి విరహపుకాఁక లోరువరాదయ్యా	॥వట్టి॥
బిగిసి చెలులతోడఁ బెనఁగవచ్చుఁగాని తగులైన పొందికలు దాఁచరాదయ్యా అగపడి శ్రీవేంకటాధిప నన్నేలితివి జిగిమించె నీ కతలు చెప్పరాదయ్యా	॥వట్టి॥