శృంగార సంకీర్తన
రేకు: 2001-6
సంపుటము: 29-546
రేకు: 2001-6
సంపుటము: 29-546
తాళ్లపాక అన్నమాచార్య
రాగము: ఆహిరి
| పొందుసేయ నేర్చిన యీ పురుషుఁడే వలెఁగాని ఇందుముఖుల భాగ్య మెంత చేసుకోరాదే | ॥పల్లవి॥ |
| చెలిమిసేయ నేర్చితే చిత్తమే కామధేనువు పలుక నేర్చితే నోరే పారిజాతము సొలయనేరిచితేను చూపులే చింతామణులు యెలమి గాంతలభాగ్య మేమి సేసుకోరాదే | ॥పొందు॥ |
| సంతోసించ నేరిచితే సరసమే నిధానము వంతునఁ గూడనేర్చితే వాడికే పెండ్లి చెంత నవ్వనేర్చితే సిగ్గులే రత్నాలరాశి యింతటాఁ జెలులభాగ్య మెంతసేసుకోరాదే | ॥పొందు॥ |
| పైకొన నేరిచితేను పాయమే బంగారుకొండ యీకడ మెచ్చనేర్చితే యీపు సంజీవి జోకతోడ శ్రీవేంకటేశుఁడు యిందరినిఁ గూడె యేకాల మింతుల భాగ్య మెంత సేసుకోరాదే | ॥పొందు॥ |


