ఆంధ్రభారతి - తాళ్లపాక అన్నమాచార్య కీర్తనలు - సతులకుఁ బతులకు సాజము లివి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 2002-1
సంపుటము: 29-547

తాళ్లపాక అన్నమాచార్య

రాగము: శంకరాభరణం

సతులకుఁ బతులకు సాజము లివి సతమాయ వేడుకలు సరసము లాడవే	॥పల్లవి॥
తలపోతఁ లన్నియును తగులైనందాఁకనే చలము పయ్యదకొంగు జారుదాఁకనే నలువంక కసరులు నవ్వినయందాఁకనే బలిమి యంతటి మీఁదఁ బచరించఁదగదు	॥సతు॥
మొనసిన గుంపెనలు మొక్కినయందాఁకనే చెనకులు కొనగోరఁ జిమ్ముదాఁకానే తనివోని యాసలు దగ్గరినయందాఁకానే పెనఁగులాటలు మరి బెరియించదగదు	॥సతు॥
కడలేని సిగ్గులు కాఁగిలించినందాఁకానే పొడిమెలమాఁట లియ్యకొన్నదాఁకానే యెడయక శ్రీవేంకటేశుఁ డిట్టె నిన్ను నేలె వెడచేఁత లంతటిపై విచారించఁదగదు	॥సతు॥