ఆంధ్రభారతి - తాళ్లపాక అన్నమాచార్య కీర్తనలు - ఏల పచ్చి సేసేవు నన్నిందరిలోనా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 2002-2
సంపుటము: 29-548

తాళ్లపాక అన్నమాచార్య

రాగము: గౌళ

ఏల పచ్చి సేసేవు నన్నిందరిలోనా యేలినవాఁడవు నీవు ఇల్లాల నేను	॥పల్లవి॥
గుట్టుతోడిదాననని గోర నన్నూఁదకుమని నెట్టుకొని మొక్కితిఁగా నేను నీకు చిట్టకాలు మానుమని సిగ్గువరచుకుమని గట్టిగా నీ చెక్కు నొక్కి కడు వేఁడుకొంటిఁగా	॥ఏల॥
పెనఁగులాడకుమని పిసుకకు చన్నులని వినయము సేసితిఁగా వేమారు నీకు వొనర బొంకకుమని వొట్టులు వెట్టకుమని యెనసి నే నిట్టే సేవలెల్లాఁ జేసితిఁగా	॥ఏల॥
యెప్పుడూఁ బాయకుమని యిన్నిటా వలతునని చెప్పితిఁగా ప్రియములు సేనమారులు యిప్పుడే శ్రీవేంకటేశ యేలితివి నన్ను నీవు మెప్పించి రతుల నీతో మేలము తాడితిఁగా	॥ఏల॥