ఆంధ్రభారతి - తాళ్లపాక అన్నమాచార్య కీర్తనలు - నీకంత గలిగితేను నీవు నా యీడుకు రావే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 2002-4
సంపుటము: 29-550

తాళ్లపాక అన్నమాచార్య

రాగము: రామక్రియ

నీకంత గలిగితేను నీవు నా యీడుకు రావే చేకొని నీ యెమ్మె లేమి చెప్పవచ్చేవే	॥పల్లవి॥
పంతములే వలసితే పను లీడేరించవలె వంతులకుఁ బెనఁగితే వాసి వలెను చెంతల మాఁటాడితేను చెల్లుబడి గావలె ఇంతిరో నాతోడి సాటి కేలవచ్చేవే	॥నీకంత॥
దొరతనమే కలిగితే తోడ సరిఁదూగవలె సరసము లాడేనంటే జాణ గావలె వరుస వం తడిగితే వలపించనేరవలె తరుణిరో నాతో నెంత తగవుకు వచ్చేవే	॥నీకంత॥
రచ్చకెక్కఁ జెనకితే రతులఁ జొక్కించవలె యిచ్చగించి నవ్వితేను యింపుగావలె యిచ్చట శ్రీవేంకటేశుఁ డిన్నిటా నన్నేలినాఁడు నెచ్చెలిరో నన్ను నేమి నిక్కిచూడ వచ్చేవే	॥నీకంత॥