ఆంధ్రభారతి - తాళ్లపాక అన్నమాచార్య కీర్తనలు - ఎక్కడి పుట్టుగ లిఁక నెక్కడి మరణములు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 280-2
సంపుటము: 3-460

తాళ్లపాక అన్నమాచార్య

రాగము: లలిత

ఎక్కడి పుట్టుగ లిఁక నెక్కడి మరణములు మిక్కిలి నీ ముద్రలు నా మేననున్న వివిగో	॥పల్లవి॥
కెరల పాపములకుఁ గెరల కర్మములకు హరి నీ నామము నోరనంటితేఁ జాలు నరకములేమి సేసు నా నేరమేమిసేసు నిరతి నా మతిలోన నీ వుండఁగాను	॥ఎక్క॥
చిక్క నింద్రియములకు చిక్కను బంధములకు చొక్కి హరి నీ మఱఁగు చొచ్చితిఁ జాలు మొక్కనేలే యెవ్వరికి మొరవెట్ట నేమిటికి నిక్కపు మా యిలువేల్పు నీవై వుండఁగా	॥ఎక్క॥
దగ్గరవు మాయలింక దగ్గరవు దుర్గుణాలు నిగ్గుల శ్రీవేంకటేశ నీవు గల్గఁగా యెగ్గులేదు తగ్గులేదు యిఁక నీదాసులలోన వుగ్గువలె నీప్రసాద మూనినది వొడల	॥ఎక్క॥