ఆంధ్రభారతి - తాళ్లపాక అన్నమాచార్య కీర్తనలు - ఎంత వేడుకకాఁడే యిదివో తాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 2002-6
సంపుటము: 29-552

తాళ్లపాక అన్నమాచార్య

రాగము: పాడి

ఎంత వేడుకకాఁడే యిదివో తాను చెంత నిందరూఁ జూడఁగా జెనకీ నన్ను	॥పల్లవి॥
వూరఁగల వలపెల్లా నొడిఁగట్టుకొనివచ్చి నారుకొన నాతో నేమి నవ్వు నవ్వీనే తేరకాఁడు మోవితేనె లారగించి యన్నువట్టి పారితెంచి వద్ద నేమి పవ్వళించీనే	॥ఎంత॥
తరుణుల వావు లెల్లా తలమోచుక యలసి పొరుగుకు వచ్చి దప్పిఁ బొరలనేలే వొరసి చనుఁగొండల వొత్తున మేను కుమ్మెలై యిరవై మా యింట గస్తూరేమి మెత్తుకొనీనే	॥ఎంత॥
నెట్టుకొన్న రతులెల్లా నేరుచుక చెలరేఁగి గుట్టుతో నాపై నెంత గుదిగుచ్చీనే యిట్టె శ్రీవేంకటేశుఁ డిన్నిటాను నన్నుఁ గూడె చుట్టి తనచేఁత లిందుఁ జూపనేల వచ్చీనే	॥ఎంత॥