Display:
సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 49 సంకీర్తన: 48
ప్రత్యేక సంపుటము - సంకీర్తన: 5
తాళ్లపాక అన్నమాచార్య
రాగము: శంకరాభరణం - ఖండచాపు
అదె వచ్చె చెలియ యొ - య్యారంబుతో ప్రియుని
సదనంబు వెడలి తన - సఖులు గనకుండ
॥పల్లవి॥
నుదుటి కస్తురి చెమట - (నొసట) పదనై జార
(నదిమి వీడిన తురుము) - గుదురుపరచి
వొదిగొదిగి తనకెవ్వ - రెదురౌదురో యనుచు
పెదవిగంటి మడుపు - తుద మాటుగొంటా
॥అదె॥
నునుగుబ్బకవ గోటి - కొన జీర మరుగువడ
పెనుగెంపుబన్నసరు - లనువుబరచి
తన కెందళుకు కన్ను - లను నిద్ర సొలయగా
వనజము మూర్కొని యూర్పు - వడి నణచుకొంటా
॥అదె॥
అలసత తత్తరపడుచు - నవ్వలివ్వల గట్టు
చలువశాటివలువ - సడలగాను
అల శ్రీవేంకటరా - యని తోడి సరసపు
కలయికలు మదిలోనఁ - దలఁచుకొంటా
॥అదె॥
AndhraBharati AMdhra bhArati - telugu కీర్తన సాహిత్యము