ఆంధ్రభారతి - తాళ్లపాక అన్నమాచార్య కీర్తనలు - అయ్యయ్యో వేంకటరమణా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 246 సంకీర్తన: 257
ప్రత్యేక సంపుటము - సంకీర్తన: 8

తాళ్లపాక అన్నమాచార్య

రాగము: సౌరాష్ట్ర

అయ్యయ్యో వేంకటరమణా - ఆడుకొందురా చెలిని గయ్యాళియని సారెసారె - కాకు సేతురా	॥పల్లవి॥
సిగ్గువడక చెప్పేవు - చెలి నిన్ను దిట్టేనని దిగ్గన వలపుల దిట్టు - దీవెన గాదా యెగ్గుతిని వచ్చేవు - యింతి జడ గొట్టెనని అగ్గలంపు మోహమున - కదె గురుతు గాదా	॥అయ్యయ్యో॥
పలుమారు దూరేవు - పాదమున దన్నెనని పొలతి గూడుట కదె - పొత్తు గాదా కొలదెరుగ కాడేవు - కొనగోర జీరె నని వలపు నిలుపుట కదె - వారకము గాదా	॥అయ్యయ్యో॥
పట్టిపట్టి పెనగేవు - పంటికొద్ది నొక్కెనని వెట్టదేరు మోహపు మోవి - విందునకు గాదా యిట్టె యలమేల్మంగ - యెద నెక్కే ననేవు నెట్టన వేంకటరమణ! ని - న్నేలుటకు గాదా	॥అయ్యయ్యో॥