ఆంధ్రభారతి - తాళ్లపాక అన్నమాచార్య కీర్తనలు - జోజో యని మీరు జోల వాడరో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 280-3
సంపుటము: 3-461

తాళ్లపాక అన్నమాచార్య

రాగము: దేసాళం

జోజో యని మీరు జోల వాడరో సాజపు జయంతి నేడే సఫల మిందరికి	॥పల్లవి॥
అదె చంద్రోదయమాయ హరి యవతారమందె మొదల జాతకర్మములు సేయరో అదన పుత్రోత్సవమట పుణ్యాహము చేసి కదిసి యిట్టె నామకరణముఁ జేయరో	॥జోజో॥
కాయము దేవకికిచ్చి గక్కన వాసుదేవుని- కీయరో గంధాక్షత లిటు విడేలు కాయకపు గాడిదెకు కవణము వెట్టి మరి వీయపు చుట్టాలెల్ల వీడు వెట్టరో	॥జోజో॥
షోడశోపచారములఁ జొక్కించి శ్రీవేంకటేశుఁ బాడరో ధర్మము నిల్పె భార మణఁచె వోడించెఁ గౌరవదానవులఁ గంసాదులఁ జంపె ఆడనే పాండవులఁ గాచెనని యర్ఘ్యమియ్యరో	॥జోజో॥