ఆంధ్రభారతి - తాళ్లపాక అన్నమాచార్య కీర్తనలు - అయ్యో రామామణి! - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 184 సంకీర్తన: 191
ప్రత్యేక సంపుటము - సంకీర్తన: 11

తాళ్లపాక అన్నమాచార్య

రాగము: కాంబోది - అట

అయ్యో రామామణి! నిన్ను జూడనిచూపు - లవి యేటి చూపులే నెయ్యంపు నీ జోడుగూడని - నీటులవి యేటి నీటులే	॥పల్లవి॥
వెలది! నీ మోవితేనె గూడని - వీడెమది యేటి వీడెమే కలయ నీ మేనితావి గలయని - గంధమేటి గంధమే పొలతి! నీ కుంతలపు తేంట్లానని - పువ్వులేటి పువ్వులే తొలక నీ చమటల దొప్పదోగని - దుప్పటేటి దుప్పటే	॥అయ్యో॥
సుదతి! నీ పలు సోకుకెనయని నీ - సోకులేటి సోకులే పదరేటి నీ (యుడుకుల) కులకని - పానుపేటి పానుపే పొదలు నీ చనుమొనలు నాటని - పులకలేటి పులకలే గదియ నీ కౌగిట బిగియానని - కాయమేటి కాయమే	॥అయ్యో॥
నారీమణి! నీ నెమ్మోము ముందర - నవ్వని నవ్వులేటి నవ్వులే గోరురేఖలు జారని నీ జవ్వాది - జారులేటి జారులే సారె నీ వూర్పులు పైపొలయని - చలువలేటి చలువలే యేరా వెంకటపతియని కొసరని - యింపులేటి యింపులే	॥అయ్యో॥