ఆంధ్రభారతి - తాళ్లపాక అన్నమాచార్య కీర్తనలు - చరమార్థమందు నీవు చాటితివి గాన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 280-4
సంపుటము: 3-462

తాళ్లపాక అన్నమాచార్య

రాగము: సాళంగం

చరమార్థమందు నీవు చాటితివి గాన ఇరవిది నమ్మితి నా కెదురెందు లేదు	॥పల్లవి॥
పతికిఁ జనవరైన ప్రాణధారి లెంకలకు తతినేమి సేసినాను తప్పులేదు సతతము హరి నీ శరణాగతుఁడ నాకు (గాన?) అతిపాపము సేసిన అది నాకు లేదు	॥చర॥
పారుచు నగరి డాగు పసుర మెవ్వరిచేని- పైరు మేసినా నందు బందె లేదు సారె నీ ముద్రలు మోచి సంసారవిషయాల యేరీతిఁ బొరలినా యెగ్గే లేదు	॥చర॥
ధర్మానఁ గొని తెచ్చిన దాసులకు వూర వెట్టి- అర్మిలిఁ జేయఁగఁ బని అంతలేదు నిర్మల శ్రీవేంకటేశ నీ కరుణగల నాకు కర్మ లోపమైనాను కడమే లేదు	॥చర॥