ఆంధ్రభారతి - తాళ్లపాక అన్నమాచార్య కీర్తనలు - ఆటదాననె పో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 117 సంకీర్తన: 117
ప్రత్యేక సంపుటము - సంకీర్తన: 22

తాళ్లపాక అన్నమాచార్య

రాగము: కన్నడ - త్రిపుట

ఆటదాననె పో నీరజద - ళాక్షి!వానినిప్పుడె (చాటి) నాకైవ - శము చేసుకోకున్నను	॥పల్లవి॥
మిగుల మాటపట్టు - మీరు చూడగనిచ్చి తగవుదప్పి ఆకె - దండనున్నందుకు బిగువుగుబ్బల గుమ్మి - (బీరము)లాడుచు మొగమోటములేక వాని - మోవినొక్కకున్నా, నే	॥ఆటదాననె॥
యీరాని బాసలెల్ల - నింతులెరంగ, నిచ్చ మేరకిచ్చి యాకెతో- మేలమాడినందుకు సారెకు రాకొట్టుచు - దూరుచు (బెక్కులు) జీరలుగా వాని- చెక్కులు చేయకున్నా, నే	॥ఆటదాననె॥
యెక్కడికి తాబోనని- యిందరిలో నాడి టక్కరించి (వేగమె)దానితో- (చొక్కి)తేలినందుకు పెక్కువగలవాని - బెనగుచు నలయింపుచు యెక్కువ వేంకటనాథ- యెదనెక్కకున్నా, నే	॥ఆటదాననె॥