ఆంధ్రభారతి - తాళ్లపాక అన్నమాచార్య కీర్తనలు - ఏమి సేయుదును నా కేది బుద్ధి యంతర్యామి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 281-1
సంపుటము: 3-465

తాళ్లపాక అన్నమాచార్య

రాగము: శుద్ధవసంతం

ఏమి సేయుదును నా కేది బుద్ధి యంతర్యామి యీ మతులఁ జిక్కి నీచిత్తమునకు నెట్టుండునో యని చింతయ్యెడిని	॥పల్లవి॥
కులగోత్రంబులు గుణశీలంబులు తెలియఁగ గర్వోద్రేకములు కలసి మెలఁగినఁ గలుగదు జ్ఞానము తొలఁగిన లోకద్రోహంబు	॥ఏమి॥
మఱియు గృహారామక్షేత్రంబులు జఱిగొను మాయాజనకములు మఱవఁగ నివియే మదకారణములు విఱిగిన సంసారవిరుద్ధము (?)	॥ఏమి॥
అనుపమ వ్రతకర్మానుష్టానము- లెనలేని బంధహేతువులు తనిసితి నింక నీదాస్యంబే గతి ఘనుఁడవు శ్రీవేంకటనాథా	॥ఏమి॥