ఆంధ్రభారతి - తాళ్లపాక అన్నమాచార్య కీర్తనలు - ఎంత మేలు చేసినదో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 206 సంకీర్తన: 217
ప్రత్యేక సంపుటము - సంకీర్తన: 51

తాళ్లపాక అన్నమాచార్య

రాగము: కాంబోది

ఎంత మేలు చేసినదో యేమిచెప్ప చిత్త మంతయు నీకిచ్చిన యొయ్యారి యెవ్వతెరా	॥పల్లవి॥
దాడింబ పువ్వులవన్నె తళుకుఁబయ్యెద కొంగు వేడుకతో వల్లెవాటు వేశి గోడనెక్కి చూచి తనకొప్పు చెంగలువబంతి నోడక వేసినయట్టి యొరపరెవ్వతెరా	॥ఎంత॥
కంకణాల మెఱఁగుల కరము లొయ్యన యిరు వంకల చెలులమీఁద వైచి కొంకక తమలపాకు కొనవంక గఱచి నీ వంక చూచి సన్న సేసె వనిత యెవ్వతెరా	॥ఎంత॥
పిక్కటిల్లునట్టి తన బిగువుఁజన్నుల కాంతి వెక్కసమై యిరువంక వెడల యెక్కువతోఁ దిరువేంకటేశుండ నిన్నుఁ గూడి చెక్కునొక్కి కౌఁగిలించె చిత్తణి యెవ్వతెరా	॥ఎంత॥

(ఈ సంకీర్తన 6వ సంపుటంలో 42వ సంకీర్తనగా ఉంది.)