ఆంధ్రభారతి - తాళ్లపాక అన్నమాచార్య కీర్తనలు - ఎటువంటి మోహమో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 121 సంకీర్తన: 122
ప్రత్యేక సంపుటము - సంకీర్తన: 54

తాళ్లపాక అన్నమాచార్య

రాగము: సౌరాష్ట్ర

ఎటువంటి మోహమో - యింతి! యిదిగో నేడు తటుకున నిన్ను పేర్కొని - తనకు దానె సిగ్గుపడును	॥పల్లవి॥
అప్పటప్పటికి నీముద్రిక - నట్టె కన్నులనొత్తుక తప్పక (మదిని) నీ మాటలే - తలచి తల యూచును చొప్పడ నీరూపమె వ్రా - సుక చూచి ముద్దాడును కప్పిన తమిని తానె పలికి - కన్నీరు లోలో నించును	॥ఎటువంటి॥
(చెలితోడ) నీమన్ననలెల్ల - చెప్పి చాలాపులకించును వులికి నిన్నూరకే పిలిచి - వుసురని వెరవుపడును నెలవుగ అన్నియు మాని నీ - కాలి (చప్పుడాలకించును) తొలగక నీవు వచ్చే - దోవే తప్పకచూచును	॥ఎటువంటి॥
గక్కున నిన్ను కనుగొంటేను - కడు తానె ముందైపైకొనును అక్కరతో నిన్ను దగ్గరున్నప్పుడె - యట్టె (తానునరుగును) (చక్కని) యలమేలుమంగ - సరుగున శ్రీవేంకటేశ చిక్కి నీకౌగిటిలో నీ - చిత్రమై పరవశమౌను	॥ఎటువంటి॥