ఆంధ్రభారతి - తాళ్లపాక అన్నమాచార్య కీర్తనలు - పారవేసిన పుల్లాకు బండికల్లై మించినట్లు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 281-2
సంపుటము: 3-466

తాళ్లపాక అన్నమాచార్య

రాగము: బౌళి

పారవేసిన పుల్లాకు బండికల్లై మించినట్లు కోరి నీ ముద్రలు మోచి కొండగొంటి నిదివో	॥పల్లవి॥
మూఁడుగుణములలోన మునిఁగేటివాఁడఁగాన పోఁడిమి నాకొక బుద్ధి పుట్టదెందును నేఁడు నీ శరణమనే నిశ్చయ మిచ్చితి గాన వాఁడిమి నిన్నిటా నేఁ బావనమైతి నిదివో	॥పార॥
పంచభూతాల తనువు పాటించి మోచితిఁగాన పంచేంద్రియ వికారాలు పాయవు నాకు యెంచఁగ నీదాస్యము నా కినామిచ్చితిగాన పంచల నా పుట్టుగు సఫలమాయ నిదివో	॥పార॥
తగిలి ఇన్నిటికి స్వతంత్రుఁడ నేఁ గాను గాన జిగి నిన్ను నెరిఁగి పూజించలేను నగుతా శ్రీవేంకటేశ నాలో నుండుదుగాన పగటున నిన్ను నమ్మి బ్రదికితి నిదివో	॥పార॥