ఆంధ్రభారతి - తాళ్లపాక అన్నమాచార్య కీర్తనలు - ఎన్ని తపంబులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 221 సంకీర్తన: 232
ప్రత్యేక సంపుటము - సంకీర్తన: 61

తాళ్లపాక అన్నమాచార్య

రాగము: శంకరాభరణం - అట

ఎన్ని తపంబులు చేసి - నిన్ను పెండ్లాడెనొ మంగ! చెన్నుమీర చెంచువాడె - శ్రీమంతుడు (కాగలిగె)	॥పల్లవి॥
నారచీరలే గట్టి - నడచేటివానికి గారవాన పీతాంబరములు - గట్టగలిగె కోరి రేగు, జీడిపండ్లు - ఏరుకొని తినేవానికి సారె సారె పంచదార - లారగించ గలిగె	॥ఎన్ని॥
పన్నుగ పొదరిండ్లలోన - పవ్వళించేవానికి వున్నతంపు మేడలోన - నుండగలిగె సన్నపు గొజ్జంగి దండ - సందిట గట్టిన వానికి మిన్నలు ముత్యంపు సరులు - మెడ(న) వేయగలిగె	॥ఎన్ని॥
పలుమారు గువ్వల - పలుకులు వినేవానికి వెలయగాను సంగీతము - వినగలిగె అలమేలుమంగ! (నీవె - కొలువై యక్కున జేరగ) అలరీ శ్రీవేంకటేశు - డనే పేరుగలిగె	॥ఎన్ని॥