ఆంధ్రభారతి - తాళ్లపాక అన్నమాచార్య కీర్తనలు - పాడేము నేము పరమాత్మ నిన్నును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 281-3
సంపుటము: 3-467

తాళ్లపాక అన్నమాచార్య

రాగము: బౌళి

పాడేము నేము పరమాత్మ నిన్నును వేడుక ముప్పదిరెండువేళల రాగాలను	॥పల్లవి॥
తనువే వొళవు తలయే దండెకాయ ఘనమై వూర్పులు రెండు కట్టిన తాళ్ళు మనసే నీబద్దితాడు మరి గుణాలె జీవాళి మొనసిన పుట్టుగే మూలమైన కరడి	॥పాడే॥
పాపపుణ్యా లిరువంక పైఁడివెండియనుసులు పైపైఁ గుత్తికె మేటిపై చనిగె కోపుల నాలికెలోనఁ గుచ్చికట్టినట్టి తాడు చూపరాని సంసారమే సూత్రపు గణికె	॥పాడే॥
జీవునికిని దండె సేసినవాఁడవు నీవు వావాతి మాటలే నీపై వన్నెపదాలు యీవి మాకు నిహపరా లిచ్చితివి మెచ్చితివి శ్రీవేంకటేశ నీవే చేకొన్నదాతవు	॥పాడే॥