ఆంధ్రభారతి - తాళ్లపాక అన్నమాచార్య కీర్తనలు - తానెంత బ్రదుకెంత దైవమా నీమాయ యెంత - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 281-4
సంపుటము: 3-468

తాళ్లపాక అన్నమాచార్య

రాగము: సాళంగనాట

తానెంత బ్రదుకెంత దైవమా నీమాయ యెంత మానవుల లంపటాలు మరి చెప్పఁగలదా	॥పల్లవి॥
చెలఁగి నేలఁ బారేటి చీమ సయితమును కలసి వూరకే పారుఁ గమ్మర నెందో మరలు తలమోఁచి కాఁపురము ధాన్యములు గూడపెట్టు యిల సంసారము దనకిఁక నెంతగలదో	॥తానెం॥
యేడో బాయిటఁ బారే యీఁగ సయితమును వాడుదేర నడవుల వాలి వాలి కూడపెట్టు దేనెలు గొందులఁ బిల్లలఁ బెట్టు యేడకేడ సంసార మిఁక నెంతగలదో	॥తానెం॥
హెచ్చి గిజిగాండ్లు సయిత మెంతో గూఁడు వెట్టు తెచ్చి మిణుఁగురుఁబురువు దీపము వెట్టు తచ్చి శ్రీవేంకటేశ నీ దాసులు చూచి నగుదు- రిచ్చలఁ దాని సంసార మిఁక నెంత గలదో	॥తానెం॥