ఆంధ్రభారతి - తాళ్లపాక అన్నమాచార్య కీర్తనలు - ఓరీ రారా! వొద్దికై రారా! - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 248 సంకీర్తన: 260
ప్రత్యేక సంపుటము - సంకీర్తన: 88

తాళ్లపాక అన్నమాచార్య

రాగము: లుప్తము

ఓరీ రారా! వొద్దికై రారా! పేరడిగా వలపించిన వాడ	॥పల్లవి॥
చిన్ననాట నుండి - సిగ్గులు బడకుండ సన్నలచాయల - సరసమాడి కన్నెపాయపుబోటి - కడగంటి తామెర కన్నులు గాసే వెన్నెల - గాసేటివాడ	॥ఓరీ॥
పిందెల చన్నులు - బిందెలుగా జేసి సందుల పులకింత - కందువగా జేయుచు ముందు ముందె నీ - మోవి తేనె నాకు విందులు బెట్టేటి - వేడుకకాడ	॥ఓరీ॥
కలికితనంబున - కరగించితినని అలమేలుమంగ మే - లని పొగడితివి సలిగె యిచ్చినట్టి - జవ్వని యడవున వెలయ గూడితివి శ్రీ - వేంకటనాథ	॥ఓరీ॥