సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 202 సంకీర్తన: 212
ప్రత్యేక సంపుటము - సంకీర్తన: 91
తాళ్లపాక వేంకటశేషాచార్యుల
వ్రాతప్రతి పుట: 202 సంకీర్తన: 212
ప్రత్యేక సంపుటము - సంకీర్తన: 91
తాళ్లపాక అన్నమాచార్య
రాగము: రామక్రియ - అట
| కంటిఁగంటి నిలువుచక్కనిమేను దండలును నంటుఁజూపులను జూచే నవ్వుమోముదేవుని | ॥పల్లవి॥ |
| కనకపుఁబాదములు గజ్జెలు నందెలును ఘనపీతాంబరము పైకట్టు కటారి మొనసి యొడ్డాణపు మొగపుల మొలనూలు ఒనర నాభీకమల ముదరబంధములు | ॥కంటి॥ |
| గరిమ వరదహస్త కటిహస్తములును సరస నెత్తిన శంఖచక్రహస్తములు ఉరముపై కౌస్తుభ మొప్పగు హారములు (తరుణి యలమేల్మంగ తాళి పద్మలును) | ॥కంటి॥ |
| కట్టిన కంటసరులు ఘనభుజకీర్తులు కట్టాణిముత్యాల సింగారనామము నెట్టన శ్రీవేంకటేశ నీకుఁ గర్ణపత్రములు- నట్టె సిరసుమీఁద నమరే కిరీటము | ॥కంటి॥ |


