ఆంధ్రభారతి - తాళ్లపాక అన్నమాచార్య కీర్తనలు - కాతరపుదాన నేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 65 సంకీర్తన: 64
ప్రత్యేక సంపుటము - సంకీర్తన: 102

తాళ్లపాక అన్నమాచార్య

రాగము: భైరవి

కాతరపుదాన నేను - ఘనుడు తాను గాతకింత యోర్చితే - కరుణించు మనీనే	॥పల్లవి॥
కొప్పువట్టి తియ్యరాదు - కొనగోర జీరరాదు చెప్పితన సేవ యెట్లు - సేయింతునే? ముప్పిరి దిట్టగరాదు - మోవిగంటు సేయరాదు అప్పటి సరసాలె - ట్లాడు మనీనే?	॥కాతరపుదాన॥
తమ్ములము బెట్టరాదు - తతి కాలువేయరాదు నమ్మి తనతో నెట్లు - నవ్వుమనీనే? కిమ్ముల రాకొట్టరాదు - కిందుపరచగా రాదు కమ్మటి తనతో నెట్లు - కత చెప్పుమనీనే?	॥కాతరపుదాన॥
చేముట్టి చెనకరాదు - చేరి పనిగొనరాదు ఆముకొని పెండ్లియె - ట్లాడుమనీనే? యీ మేర శ్రీవేంకటేశు - డింతలోన నన్ను గూడె కామించి తనతో నెట్లు - కౌగిలించుమనీనే	॥కాతరపుదాన॥