ఆంధ్రభారతి - తాళ్లపాక అన్నమాచార్య కీర్తనలు - కాముఁ డెవ్వరి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 269 సంకీర్తన: 285
ప్రత్యేక సంపుటము - సంకీర్తన: 105

తాళ్లపాక అన్నమాచార్య

రాగము: ఆహిరి - జంపె

కాముఁ డెవ్వరి నేసె - కలువ యెవ్వరిగాడె కామినుల భ్రమగాక - కలఁడు వేరొకఁడు	॥పదం॥
చెరకులట సింగిణులు - చిలుకలట తేజీలు పరచు వెడదేటులట - పరివారము మరులుకొని జనులాడు - మాట నిజమని నమ్మి వెరవ నేటికి కొమ్మ - విడువు మీ భయము	॥కాముఁడె॥
అలరులట బాణాలు - ఆమనట దళవాయి తలకూత పికములట - దండిపౌజు తెలియ కిట్లాడు ప - ల్కులకేల వెరవనిటు తలపోయ నీవంటి - తరుణికిది తగునా	॥కాముఁడె॥
చిగురులట కైదువలు - చంద్రుఁడట గమికాఁడు వెగటు చలిగాలియట - వెన్నుబలము జిగిని యలమేల్మంగ - శ్రీవేంకటేశ్వరుని తగిలి తివియఁగ నేల - తహతహలు నీకు	॥కాముఁడె॥