ఆంధ్రభారతి - తాళ్లపాక అన్నమాచార్య కీర్తనలు - కట్టెదుర వైకుంఠము కాణాచయిన కొండ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 282-2
సంపుటము: 3-471

తాళ్లపాక అన్నమాచార్య

రాగము: రామక్రియ

కట్టెదుర వైకుంఠము కాణాచయిన కొండ తెట్టెలాయ మహిమలే తిరుమల కొండ	॥పల్లవి॥
వేదములే శిలలై వెలసినది కొండ యేదెసఁ బుణ్యరాసులే యేరులైనది కొండ గాదిలి బ్రహ్మాదిలోకముల కొనల కొండ శ్రీదేవుఁడుండేటి శేషాద్రి యీకొండ	॥కట్టె॥
సర్వదేవతలు మృగజాతులై చరించే కొండ నిర్వహించి జలధులే నిట్టచరులైన కొండ వుర్విఁ దపసులే తరువులై నిలిచిన కొండ పూర్వపు టంజనాద్రి యీ పొడవాటి కొండ	॥కట్టె॥
వరములు కొటారుగా వక్కణించి పెంచే కొండ పరగు లక్ష్మీకాంతు సోబనపుఁ గొండ కురిసి సంపదలెల్ల గుహల నిండిన కొండ విరివైన దిదివో శ్రీవేంకటపుఁ గొండ	॥కట్టె॥