ఆంధ్రభారతి - తాళ్లపాక అన్నమాచార్య కీర్తనలు - చీచీ నరుల దేఁటి జీవనము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 126 సంకీర్తన: 127
ప్రత్యేక సంపుటము - సంకీర్తన: 115

తాళ్లపాక పెదతిరుమలాచార్య

రాగము: ముఖారి

చీచీ నరుల దేఁటి జీవనము కాచుకొని హరి నీవే కరుణింతుగాకా	॥పల్లవి॥
అడవిలో మృగజాతియైనాఁ గావచ్చుఁగాక వడి నితరులఁ గొలువఁగ వచ్చునా వుడివోని పక్షియై వుండనైనా వచ్చుఁగాక విడువ కెవ్వరికైనా వెఁడవచ్చునా	॥చీచీ॥
పసరమై వెతలేని పాటువడవచ్చుఁగాక కసటు వొనరులఁ బొగడవచ్చునా వుసురు మానై పుట్టివుండనైనావచ్చుఁగాక దెసల నెక్కడనైనాఁ దిరుగవచ్చునా	॥చీచీ॥
యెమ్మెల పుణ్యాలు సేసి యిల నేలవచ్చుఁగాక కమ్మి హరి దాసుఁడు గావచ్చునా నెమ్మది శ్రీవేంకటేశ నీ చిత్తమె కాని దొమ్ముల కర్మము లివి తోయవచ్చునా	॥చీచీ॥

(ఈ సంకీర్తన 15వ సంపుటంలో 86వ సంకీర్తనగా ఉంది.)