ఆంధ్రభారతి - తాళ్లపాక అన్నమాచార్య కీర్తనలు - చెప్పరాదుగదే మన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 174 సంకీర్తన: 180
ప్రత్యేక సంపుటము - సంకీర్తన: 117

తాళ్లపాక అన్నమాచార్య

రాగము: లుప్తము

చెప్పరాదుగదే మన - చిన్ననాటి నడకలు వొప్పులాయ తలచితే - వోలాల!	॥పల్లవి॥
పన్నీటికాలువ దండ - పచ్చకప్పురపు దిన్నె పొన్నలనీడ గొజ్జంగి - పొదరింటిలో సన్నపు పయ్యద వెట్టి - సంది సంది గ్రుచ్చుకొని వున్న బాగులెంచేవు - వోలాల!	॥చెప్పరాదు॥
పొత్తుల వీడెపు మరు - బువ్వపు తమలపాకు లెత్తిలి యొండొరులకు - నిచ్చే తమిని జొత్తిలు మోపుల పలు - సోకుల కాకలకుగాక వొత్తుకొంటివి చెక్కు - లోలాల	॥చెప్పరాదు॥
వుక్కుగోరితాకు - లొయ్యనె కళలంటగా పిక్కటిల్లు రతులనే - పిరిదియ్యక మక్కువతో నలమేలు - మంగ శ్రీవేంకటేశ్వర వొక్కటైతిమిద్దరము - వోలాల	॥చెప్పరాదు॥