ఆంధ్రభారతి - తాళ్లపాక అన్నమాచార్య కీర్తనలు - విజయపుటమ్ము వేసె వేంకటేశుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 282-3
సంపుటము: 3-472

తాళ్లపాక అన్నమాచార్య

రాగము: సామంతం

విజయపుటమ్ము వేసె వేంకటేశుఁడు విజయుని సఖుఁడు యీ వేదమూరితి	॥పల్లవి॥
పాఱితెంచి దశకంఠు పదిశిరసులమీఁద ఆఱికి(?)నమ్ము వేసె నాదిదేవుఁడు ఆఱడి సేనల తోడ నంబుధి మీఁద వేసె వేఱొకయమ్ము దొడిగి విష్ణుదేవుఁడు	॥విజ॥
చాలుగ నేడుదాళ్లు సర్వము నొక్కటిగాఁగ ఆలములో నమ్మువేసె నఖిలేశుఁడు ఆలించి రుక్మిణిఁ బెండ్లి యాడునాఁడు వైరులపై జాలి(?)యమ్ము వేసెను విజయకృష్ణుఁడు	॥విజ॥
భజన నిందిరఁగూడి పంతమున నమ్మువేసె విజయదశమిని శ్రీవేంకటేశుఁడు సుజనుల దేవతల సొరిది నిందరిఁ గాచు విజయము చేకొనె విష్ణుదేవుఁడు	॥విజ॥