ఆంధ్రభారతి - తాళ్లపాక అన్నమాచార్య కీర్తనలు - చేతకాని పనులెల్ల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 160 సంకీర్తన: 164
ప్రత్యేక సంపుటము - సంకీర్తన: 122

తాళ్లపాక అన్నమాచార్య

రాగము: దేశాక్షి

చేతకాని పనులెల్ల - జేసేది రోత నీతిలేనివానివద్ద - నిలిచేది రోత	॥పల్లవి॥
తడవుపుట్టింటను - తరుణినుంచిన రోత అడుగరానివాని - నడిగేది రోత పుడమిలో వలవని - పొలతి బొందుట రోత చెడి చుట్టము కడకు - చేరేది రోత	॥చేతకాని॥
అప్పుదీసి సౌఖ్యము - లనుభవించుట రోత తప్పు విచా(రించక తీర్పు) - చెప్పేది రోత ముప్పున బిన్నవయసు - ముదితచేకొన్న రోత చెప్పరాని పనులెల్ల - జేసేది రోత	॥చేతకాని॥
కలవానితోడను - కలహించేది రోత నలినాక్షుల పొందు - నమ్మేది రోత అలరి శ్రీవేంకటపతి - గొలువనియట్టి (కలి) నరుని జన్మము - కడకు రోత	॥చేతకాని॥