ఆంధ్రభారతి - తాళ్లపాక అన్నమాచార్య కీర్తనలు - నీ దాఁకా వలెనా నిచ్చలు నారాయణా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 282-4
సంపుటము: 3-473

తాళ్లపాక అన్నమాచార్య

రాగము: లలిత

నీ దాఁకా వలెనా నిచ్చలు నారాయణా ఆది నీ దాసుఁడే చాలు నందరి రక్షించను	॥పల్లవి॥
నీ పాదమూలమున నిలిచిన జలమును మోపుగా మోచె రుద్రుఁడు ముందు ముందే కాపాడు నీ నామమునఁ గలిగిన మహిమచే పైపై మునులు యిహపరములు గనిరి	॥నీదాఁ॥
పండేటి పాలవెల్లి నీ ప్రసాదమునఁ గాదె దండిగా దేవతలెల్ల ధన్యులైరి అండనే నీసాకార మాతుమఁ దలఁచి కాదె నిండిన యోగీంద్రులు నిత్యముక్తులైరి	॥నీదాఁ॥
చేరి నీవిహారమైన శ్రీవేంకటాద్రిఁ గాదె కోరి నరులు వరాలు కొల్లగొనిరి ఆరీతిఁ దాళ్లపాక‌ అన్నమయ్య ఘనుఁడాయ వారివారమై నేము వహికినెక్కితిమి	॥నీదాఁ॥