ఆంధ్రభారతి - తాళ్లపాక అన్నమాచార్య కీర్తనలు - తురుమున గొజ్జంగులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 245 సంకీర్తన: 256
ప్రత్యేక సంపుటము - సంకీర్తన: 137

తాళ్లపాక అన్నమాచార్య

రాగము: సౌరాష్ట్ర

తురుమున గొజ్జంగులు - తురుమకువే వో కరిగమన యిరులు - కవిసేటి పొద్దు	॥పల్లవి॥
పగటు గుబ్బల పచ్చ - పట్టు కంగుల రవికె బిగియించ బోకువే - పెరిగేటి పొద్దు తొగరు వాతెరను ల - త్తుక బెట్టకువె, వింత వగలాడి తేనెలు - వడిసేటి పొద్దు	॥తురుమున॥
తేట చెక్కుటద్దములు - దిద్దకువె కళుకులు గాటపు మించు ముద్దు - గారేటి పొద్దు నీటు కన్నుగవల - నించకువె కాటుక లేటి చూపులాడి చెంగ - లించేటి పొద్దు	॥తురుమున॥
పొంకపు నెమ్మేన గంద - వొడి నప్పళించకువె యింక నీ కళులు తెర - లేటి పొద్దు పంకించకువె వేంకట - పతి నిన్ను గలియగా జంకెలాడి వలపులు - జట్టి గొనేటి పొద్దు	॥తురుమున॥