ఆంధ్రభారతి - తాళ్లపాక అన్నమాచార్య కీర్తనలు - దీనుఁడ నేను దేవుఁడవు నీవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 282-5
సంపుటము: 3-474

తాళ్లపాక అన్నమాచార్య

రాగము: శుద్ధవసంతం

దీనుఁడ నేను దేవుఁడవు నీవు నీ నిజమహిమే నెరపుటఁ గాకా	॥పల్లవి॥
మతి జనన మెఱఁగ మరణం బెఱఁగను యితవుగ నిను నిఁక నెరిఁగేనా క్షితిఁ బుట్టించిన శ్రీపతివి నీవే తతి నాపై దయ దలఁతువుఁ గాకా	॥దీనుఁ॥
తలఁచఁ బాపమని తలఁచఁ బుణ్యమని తలఁపున ఇఁక నినుఁ దలఁచేనా అలరిన నాలో యంతర్యామివి కలుష మెడయ ననుఁ గాతువుఁ గాకా	॥దీనుఁ॥
తడవ నాహేయము తడవ నామలినము తడయక నీ మేలు దడవేనా విడువలేని శ్రీవేంకటవిభుఁడవు కడదాఁకా నిఁకఁ గాతువుఁ గాకా	॥దీనుఁ॥