ఆంధ్రభారతి - తాళ్లపాక అన్నమాచార్య కీర్తనలు - నారాయణాచ్యుతానంత నిన్నొకచోట - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 282-6
సంపుటము: 3-475

తాళ్లపాక అన్నమాచార్య

రాగము: మాళవి

నారాయణాచ్యుతానంత నిన్నొకచోట గోరి వెదకనేల వీరివల్లఁ గంటిఁ బో	॥పల్లవి॥
సొలసి నీ రూపము శ్రుతులలోఁ జెప్పుఁ గాని బలిమి నాచార్యుఁడైతేఁ బ్రత్యక్షము పలికి నీ తీర్థము భావనలందే కాని అల నీ దాసుల తీర్థ మరచేత నిదివో	॥నారా॥
నీ యానతు లెన్నఁడు నేము దెలియము గాని మా యాచార్యునిమాట మంత్రరాజము కాయములో నీ వుండేది కడు మఱఁగులు గాని యీయెడ నీ పరికర మిన్నిటా నున్నదివో	॥నారా॥
అరిది నీవందన మొకర్చావతారానఁ గాని గురుపరంపరనై తేఁ గోట్లాయఁ బో హరి నిన్ను శ్రీవేంకటాద్రినే చూచితిఁ గాని పరమున నిహమునఁ బంచి చూపె నతఁడు	॥నారా॥