ఆంధ్రభారతి - తాళ్లపాక అన్నమాచార్య కీర్తనలు - నాకు నాకె వలపు దెల్ప - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 12 సంకీర్తన: 7
ప్రత్యేక సంపుటము - సంకీర్తన: 154

తాళ్లపాక అన్నమాచార్య

రాగము: కల్యాణి

నాకు నాకె వలపు దెల్ప - నయముగా దీవేళ నీకు మేలుదానరా కస్తూరి రంగ! - నీకు మేలుదానరా నీకు మేలుదానరా కావేటి రంగ! - నీకు మేలుదానరా	॥పల్లవి॥
సారె సారెకును నీతో - సన్నసేయగా లేను వోర జేసుకొని నీ వా - వారిజాక్షి జూచేవు	॥నాకు॥
మాటి మాటికి నీతో - మాటలాడంగ లేను బాటు చేసుకొని నీ వా - బోటితో ముచ్చటాడేవు	॥నాకు॥
పొంకమైన విరిశయ్య - పొందు వేడంగ లేను వేంకటరాయ గొంకక నీ - విందరిని కౌగిలించేవు	॥నాకు॥