ఆంధ్రభారతి - తాళ్లపాక అన్నమాచార్య కీర్తనలు - నీకుగా మావారిలో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 194 సంకీర్తన: 201
ప్రత్యేక సంపుటము - సంకీర్తన: 161

తాళ్లపాక అన్నమాచార్య

రాగము: ఆహిరి

నీకుగా మావారిలో - నిచ్చ నిచ్చ బొంకగా రాక యెంచేవో వచ్చేవో - రాయడేమి చెప్పరా	॥పల్లవి॥
ఉదుటు గుబ్బల మీద - నొత్తిన గోరట్టె జూచి అదరించి వారు న - న్నడిగిరి పొదలేటి తోటలోన - పువ్వులు గోయబోతే అదరి ముదురు చేమంతి ముల్లు - జీరెనంటిరా	॥నీకుగా॥
పవడంపు మోవి మీది - పంటి జాడలేవని వివరించి మా వారు నన్ను - దిట్ట దొడగిరి సవరంపు చిలుకతో - సారెకు ముద్దాడ బోతే కవిసి మైదొండ చిలుక - కరిచె నంటిరా	॥నీకుగా॥
రాపు సేసి నీవు గూడిన - రతి సేతలెల్ల జూచి కోపగించి మా వారు నన్ను - గొట్ట దొడగిరి నీపాదమాన నౌభళ - నిలయ శ్రీవేంకటేశ దాపగ నేరక నే నిన్ను - దగిలితి నంటిరా	॥నీకుగా॥