ఆంధ్రభారతి - తాళ్లపాక అన్నమాచార్య కీర్తనలు - నెలత నెడబాయనిదె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 128 సంకీర్తన: 129
ప్రత్యేక సంపుటము - సంకీర్తన: 170

తాళ్లపాక అన్నమాచార్య

రాగము: వసంతభైరవి

నెలత నెడబాయనిదె - ని(త్యోత్సవము) అలివేణి రతియె ది - వ్యౌషధము	॥పల్లవి॥
కవబాసి విరహాగ్ని - గాసిబడు విభునకు ఉవిద నెమ్మోము చం-ద్రోదయమ్ము చివురు విల్తుని కేళి - జివికిన చెలిమోవి ధవళ నేత్రునకు జిం-తామణి	॥నెలత॥
చెమరుమైసతి తోడ - జింత బలుకనిపతికి రమణి పలుకులె తేనె - రసములౌ శ్రుతికి తమితోడ దనమేన - తలకొన్న ప్రియునకును సమదమదనగజాంకు - శమ్ము కొనగోరు	॥నెలత॥
అలరుచును నేడు మా - యలమేలుమంగ మై జిలుకు కుంకుమకాంతి - సిందూరము యెలమితో శ్రీవేంక - టేశుడనిశము (సల్పు) జలజాక్షి కూటమే - సంజీవి నగము	॥నెలత॥