ఆంధ్రభారతి - తాళ్లపాక అన్నమాచార్య కీర్తనలు - నేనెట్లు తాళుదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 132 సంకీర్తన: 134
ప్రత్యేక సంపుటము - సంకీర్తన: 174

తాళ్లపాక అన్నమాచార్య

రాగము: పంతువరాళి

నేనెట్లు తాళుదు - నేనేల తగుదు తానెట్టు నడచినా - తన చెల్లుబడియది	॥పల్లవి॥
వేడుకై కెంపు మో - విని పంట నానితే నోడకందుకు నే - నొద్దందునా వేడుకొనినా వినక - వేమారు పంటికొద్ది కోడెగాలకు మోవి - కుమ్మెలు వోనొక్కితే	॥నేనెట్లు॥
సరసత నా గుబ్బ - చన్నులలమితే గరువమా నందుకు నే - కాంతాళించ గరుసిచ్చి (?) నాతోడి - కాంతలలో పైట చెరగు వారించి గోర - జీరలు సేసితే	॥నేనెట్లు॥
చిత్తజుకేళి నను - శ్రీవేంకటప్రభుడు పొత్తెట్లు పనిగొన్న - పొలుపు గాదందునా అత్తింటి కోడలని - యనుచు నందరిలోన కొత్తగా నెదనుంచి - కొలువు సేసేనంటె	॥నేనెట్లు॥