ఆంధ్రభారతి - తాళ్లపాక అన్నమాచార్య కీర్తనలు - నేరుపు కలుగు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 108 సంకీర్తన: 108
ప్రత్యేక సంపుటము - సంకీర్తన: 178

తాళ్లపాక అన్నమాచార్య

రాగము: శంకరాభరణం - అట

నేరుపు కలుగు వేళ - (నేము నే మనేము) నేరమి నుండిన వేళ - (నీవె దిక్కనేము)	॥పల్లవి॥
(కరిణుల)తో పదివేల - గజములు కొలువగా కరి నీకు యెపుడైన - మొరలు వెట్టెనా? అఱిముఱి మకరిచే - ఆపద వచ్చిన వేళ హరి! హరి! కావుమని - అపుడు దలచెను గాక	॥నేరుపు॥
(ఘనులు పాండవులతో) - కలసి యుండెడి నాడు వెనుక ద్రౌపది తాను - (వేడెనా) మిమ్ము (చెనటియై) కురురాజు - చీరె లొలిచేనాడు వనజాక్ష!యని యపుడు - వగచి తలచెను గాక	॥నేరుపు॥
మును విభీషణు డన్న - చనవు గలిగిన నాడు మనసున (నొకసారి - మరి తలచెనా మిమ్ము) తన యన్న కోపమున - తలదన్నితే నాడు నెనరు తోడుత దలచి - నిను గొలిచె గాక	॥నేరుపు॥
చుట్టమైన బంధువైన - స్రుక్కిన వేళల గాక వట్టి మాటల నాడు - వారు మాకేల? అట్టి శ్రీవేంకటేశుడు - ఆపద్భాంధవుడు గాన గట్టిగ తా నభయ మిచ్చి - కరుణించె గాక	॥నేరుపు॥