ఆంధ్రభారతి - తాళ్లపాక అన్నమాచార్య కీర్తనలు - విత్తొకటి వెట్టితేను వేరొకటి మొలచునా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 283-3
సంపుటము: 3-478

తాళ్లపాక అన్నమాచార్య

రాగము: వరాళి

విత్తొకటి వెట్టితేను వేరొకటి మొలచునా యెత్తిన శ్రీహరి నీవే యీడేర్చవయ్యా	॥పల్లవి॥
పాపపుణ్యదేహికి బంధములే సహజము యేపునఁ గాదని తోయ నెట్టువచ్చును పూపవంటి మనసుకు భోగములే సహజము తేపగా విరతి యెందుఁ దెచ్చుకొనేమయ్యా	॥విత్తొ॥
మాయల జన్మమునకు మమతలే సహజము యేయెడఁ జొరక మాననెట్టువచ్చును కాయవంటి గుణానకు కర్మమే సహజము చాయల నే మెటువలె శాంతిఁ బొందేమయ్యా	॥విత్తొ॥
తప్పని జ్ఞానమునకు దైవమే సహజము యెప్పుడు స్వతంత్రుఁడుగా నెట్టువచ్చును నెప్పున శ్రీవేంకటేశ నీ మహిమే ఇంతాను చెప్పఁజూపఁ జోటులేదు చేరివుండేమయ్యా	॥విత్తొ॥