ఆంధ్రభారతి - తాళ్లపాక అన్నమాచార్య కీర్తనలు - పడుచ! (నీ) విప్పుడే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 51 సంకీర్తన: 50
ప్రత్యేక సంపుటము - సంకీర్తన: 181

తాళ్లపాక అన్నమాచార్య

రాగము: లుప్తము

పడుచ! (నీ) విప్పుడే - (వలవంత గూర్చేవు కడు ప్రోడవై యెంత - గాసి) సేసెదవో	॥పల్లవి॥
తలిరుబోణి! యిపుడె - మొలచె నింతలు చనులు వెలయ ముందరి కేలె -విరిగేవే? కొలదిలే కవి మీరి - కొండ లంతేసిగా (చెలగిన) యపు డెంత - సేయగల దానవో	॥పడుచ!॥
చేడె! యిప్పుడె కురులు - తోడాయె నిదె జడకు వేడుక వెనుక కేల - విరిగేవే? మోడు వీ డవి మీద - మోపరాని పాటిగా గూడగల యపు డెట్టి - జాడ నుండేవో	॥పడుచ!॥
భామ! యిపుడు వేంకట - పతి చెట్టబట్టేవు యీమారు యిరుమేల - నేల విరిగేవే? ప్రేమ కడు మీరగా - పెచ్చుపెరిగిన రతి సీమ నేలే యప్పు - డే మేర నుందువో	॥పడుచ!॥