ఆంధ్రభారతి - తాళ్లపాక అన్నమాచార్య కీర్తనలు - పనివినుము ఓ పన్నగశయన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

సంకీర్తన
తాళ్లపాక వేంకటశేషాచార్యుల
వ్రాతప్రతి పుట: 149 సంకీర్తన: 152
ప్రత్యేక సంపుటము - సంకీర్తన: 184

తాళ్లపాక అన్నమాచార్య

రాగము: భూపాలం

పనివినుము ఓ పన్నగశయన - పాపాత్ముడు వీడనక ఏనిక గాచేదే బిరుదయ్య - బృందారక మునివంద్య	॥పల్లవి॥
నిను సేవించగ నే నేర - నిలువెల్లా దబ్బర మనమున భక్తి మరింతైనా లేదు - మదమత్సరములు చాలా అనుదినమును సేసే పాపాలకు - నాదియు నంతము లేదు నను నెటు రక్షించేవో - నగధర! నీ కృప నుంచీ	॥పని॥
ఉపవాస వ్రతములనే - (వు)సురు డాగ నే నోప జప (తపముల) గొడ వెరుగను - జడుడను నల్పుడ, (నిన్నే) నెపమున నైనా దలచ (ని) - నేరము లెంచక (మున్నీ) యపరాధము సహించి కావు - మర్జునసారథి! నన్నును	॥పని॥
వేదశాస్త్ర (విధు) లెరుగను - వెతతో తిరుగుచు నుందును సాదువులను సరకు (గొనక) - సర్వజ్ఞుడ నని యుందును మోదముతో వెంకటరమణ! - మోసము సేయకు నను, నీ పాదసేవకును (పనిగొను) - పరమదయాళో! నన్నును	॥పని॥